Beynəlxalq iqtisadiyyat məktəbi (ISE)

Beynəlxalq İqtisadiyyat Məktəbi qlobal iqtisadi prosesləri dərindən bilən, beynəlxalq bazarda rəqabət apara bilən mütəxəssislər yetişdirən təhsil strukturudur. Məktəbin əsas hədəfi tələbələrə beynəlxalq iqtisadi münasibətlər sahəsində nəzəri və praktiki biliklər verməklə yanaşı, onların analitik və strateji düşünmə bacarıqlarını inkişaf etdirməkdir.

UNEC rektorunun 20.10.2014-cü il tarixli əmrinə əsasən, UNEC-də İngilis dilində tədris mərkəzi (İDTM) yaradılmışdır. Hazırda mərkəz Beynəlxalq İqtisadiyyat Məktəbi (ISE) adlanır. Mərkəzdə geniş praktiki biliklərə malik ABŞ, İngiltərə, Almaniya, Fransa, İsveç və başqa ölkələrin aparıcı universitetlərinin məzunları olan müəllimlər dərs deyirlər. Beynəlxalq İqtisadiyyat Məktəbinin direktoru 19.01.2024-cü il tarixindən İnarə Rzayevadır.
*

2024-cü ildə ISE-yə “Maliyyə”, “Mühasibat”,  “İqtisadiyyat”,  “Beynəlxalq ticarət və logistika”,  “Biznesin idarə edilməsi” ixtisasları üzrə üzrə ümumilikdə 179 tələbə qəbul olub ki, onlardan 151 nəfəri (84 faiz) 600-dən yuxarı bal toplayıb. Həmin tələbələr bir semestr boyu UNEC-in xüsusi təqaüdünü alacaqlar. Ən yüksək nəticə  “Maliyyə”  ixtisası üzrə 677.9 bal olub. Fakültədə 48 əcnəbi tələbə təhsil alır. 2025-ci ildə fakültəyə 18 nəfər əcnəbi vətəndaş qəbul olub. Akademik heyət – 27 nəfərdir.

*
Fakültə üzrə təhkim edilən kafedra: "Beynəlxalq iqtisadiyyat və biznes"